My Cherie Amour / حبيبتي شيري

بدايته كتير حلوة بتخليك دايما مبتسم ومستمتع لأبعد حد وبالنص بتجلطك عشان سوء الفهم انو كل واحد بفكر انو التاني بحب غيره وقبل الاخير بترتاح انو صار شو ما بدنا بخصوص الكل وبالاخير بتزهك انو خلص افهمنا وانبسطنا لشو هالحلقات الزياده بس أكيد لأنو من روايه ..
اول عمل بشوفه للممثلة بشخصية انونج وحطمت كل الممثلات المفضلات عندي من تايلاند لتحتل رقم واحد ، رهيبه جدا جدا في تمثيلها أبدعت في الشخصية العفويه القوية الحلوه العاشقة اللي بلشت في الخطوة الأولى . كان بينهم كارزيما حلوة جدا وهي السبب .
اماً بخصوص واتشان تاني عمل بشوفه وهون ما كان قائد سفينه الحب بينما شوفت لما كان قائد وحبيته يكون القائد ويكون الشخص اللي ببلش بالخطوة الأولى احلى من هيك ومع هيك حبيته هون بس مش مفضل الاشئ اللي بشجعه انو لما عمل هاد الدراما وكمان واحده كان يمر في مشاكل طلاق وانفصال ومع هيك ابدع في تمثيله .. وما كان باين عليه .
القصة والشخصيات حلوة وواقعيه والسنه اللي اختاروها في الأربعينات كمان كان كلشي حلو يعني هالدراما اول حلقات تعتبر من المفضلات عندي اللي ممكن أعيد مشاهدته .. اختيار موفق لترجمة هيك دراما والرومنسيه اللي بينهم كانت مش وسخة كانت جدا لطيفة ما بتأذي العين